UTANG MAG-ASAWA

Tulad din ng nabanggit ko sa nakaraang blog, may
mga mag-asawa na nag-aaway din dahil sa mga
utang na hindi nababayaran at hindi man lang alam.

Mahirap na tinatago natin ang ating problema sa
ating asawa lalo na kung tungkol ito sa pinansyal
dahil dito na rin nagsisimula masira ang tiwala.

Pero sana kapag nabasa ninyo ang blog na ito ay
magkaroon din kayo ng lakas ng loob na mas maging
tapat sa inyong asawa upang masolusyunan ito.

Hindi maaari na magkanya-kanya tayo lalo na sa ating asawa.

ISULAT AT IPALIWANAG ANG LAHAT NG PAGKAKAUTANG

“Natatakot ako baka magalit sa akin ang asawa ko.”
“Nakahihiyang malaman ito ng asawa ko.”
“Mababayaran ko naman ito. Hindi na n’ya kailangan malaman.”

Kung ganito ang pananaw ninyo sa utang at pera,
nagsisimula na ang paglilihim at pagtatago sa inyong
asawa. Hindi ito healthy sa inyong pagsasama.

Isa-isahin ang mga ito at sabihin sa inyong asawa
o partner ang mga ginamitan nito. Sa ganitong
paraan magiging aware kayong mag-asawa.

Alam ninyo kung ano ang mga dapat nang iwasan
o kaya naman mga tao na kailangan na ring iwasan
dahil hindi nakatutulong sa inyong pinansyal.

Kailangan na umiwas sa mga tukso at mga bagay na
mas lalong magpapabaon sa inyo sa utang at maaaring
makasira ng inyong pagsasamang mag-asawa.

Pagkatapos pag-usapan ang mga utang,

GUMAWA NG PLANO AT DESISYON SA PAGBABAYAD NG UTANG

“Bahala ka sa buhay mo.”
“Hindi ko ‘yan problema.”
“Kasalanan mo yan noh.”

Naku kung ganito ang ibabato n’yo sa inyong asawa,
baka araw-araw na lang puro pera at problema ang
magiging meals ninyong pamilya.

Tulad na rin ng nasabi ko noon, hindi solusyon sa
problema ang isa pang problema. Kaya naman dapat
pag-usapan ito at isipin kung paano masosolusyunan.

Hindi na kailangan pa ng pagtatalo at sisihan sa
ganitong pagkakataon. Nandyan na eh. Kailangan na
lamang ay magpakumbaba sa paghingi ng tawad.

Higit sa lahat, magtulungan na makahanap ng dagdag
na pagkakakitaan para makatulong sa pagbayad ng
utang at mabawasan ang stress ninyong mag-asawa.

Ito na ang panahon na kailangan

HUMINGI NG TULONG AT GABAY MULA SA EKSPERTO

Simulan na ang pag-iipon ng pera at ibayad ito agad sa
utang kahit paunti-unti. Iwasan na ang mga luho at bisyo
para hindi naman masayang ang inyong inipon.

Maghanap ng iba pang mapagkakakitaan o kaya naman
ay mga maaaring maibenta para makapagbayd agad
sa utang. Sa ganitong paraan, makaluluwag sa pakiramdam.

Huwag na munang umutang para lang ipangbayad o
kaya naman makabili lang ng mga bagay na hindi naman
pala kakailanganin. Maging matalino na sa pera.

Huwag nang ulitin pa ang dating pagkakamali para hindi
na magpatung-patong pa ang mga utang at mas mabilis
ding makalabas dito. Stick lang dapat sa goal ninyo.

Huwag nang magpadala sa ibang mga tao na alam ninyong
‘di naman tulong ang ibibigay sa inyo. Huwag mawalan ng
pag-asa dahil habang may buhay, may pag-asa.

“Hindi dapat kanya-kanya sa problemang pinansyal ang mag-asawa,
Dahil mahalaga ang tiwala at katapatan sa inyong pagsasama.”
–  Chinkee Tan, Filipino Motivational Speaker

THINK. REFLECT. APPLY. 

• Alam ba ng iyong asawa ang mga binibili mo at mga pinagkakagastusan mo?
• Handa ka na bang sabihin sa iyong asawa ang iyong mga utang?
• Anu-ano ang mga solusyon na naiisip mo para mabayaran ito?

———————————————————

Introducing my latest book: “MY UTANG DIARY: Maging Utang Free para sa Buhay na Stress-Free!” Kung sawa ka na sa utang at gusto mo na makalabas dito, grab your copy now for only P190+100 Shipping Fee. Click here now: http://bit.ly/2kifovQ 

And for a limited time only, I will give you another NEW book that my wife and I wrote called: Pera ni Mister, Pera ni Misis also for FREE!

**Bulk/ Reseller package also available. Promo is only until October 6, 2019**

20 Books (Buy 20 Get 20) + 5 Free Sets – PHP 3,800
40 Books (Buy 40 Get 40) + 15 Free Sets – PHP 7,600

For more inspirational content, new products, and promos, follow my Social Media accounts: 

Facebook page: https://www.facebook.com/chinkeetan/
Youtube channel: https://www.youtube.com/chinkpositive
Instagram: https://www.instagram.com/chinkeetan/