THE SEARCH FOR CONTENTMENT

Masaya ka ba? Masaya ka ba talaga?
Haha kulit noh?
Pero ano nga ba ang nagpapasaya sa atin?

Syempre masaya kung may maganda tayong bahay,
nabibili natin ang mga gusto natin, nakakain natin at
napupuntahan ang mga trip natin.

Pero bakit minsan, parang may kulang pa rin?
Hindi nga ba talaga tayo kuntento o hindi natin alam
kung paano makuntento sa kung ano ang mayroon tayo?

So in this blog, let’s search the ways to make us feel
more contented in life.

CHANGE WITHIN OURSELVES

Madalas gusto natin na ibang tao ang mag-adjust sa
atin. Kailangan magkapalagayan muna ng loob bago
natin matanggap na kailangan natin mag-cope sa
mga pagbabago sa paligid natin.

“Ito ako eh. Nagpapakatotoo lang.”
“Ganito ako. Ito ang totoong ako.”

Okay, I get it. Tama naman talaga na magpakatotoo
tayo sa sarili natin at sa ibang mga tao. Pero paano
kung sa pagpapakatotoo natin ay may mas kailangan
pa pala tayong i-improve?

Paano kung sa pagpipilit natin ng ating totoong ugali ay
magkakaroon lang ng gulo at mas lalala ang mga problema
at ‘di pagkakaintindihan?

Kaya kailangan, marunong tayong lumugar sa totoong
pag-uugali natin. Kung kailangan magbago ay dapat
handa tayong tanggapin ito because people around
us are

GOD’S GIFTS

Sila ang pamilya natin, ang mga kaibigan natin, ang ating
mga kasamahan, mga taong tumulong sa atin kung
paano bumangon at maniwala sa ating mga sarili.

Sila ang mga taong biyaya ng Panginoon sa atin. Kaya
huwag nating hayaang ilayo ang ating mga loob sa
kanila kahit sa kabila ng mga ‘di pagkakaunawaan.

Kailangan matutunan nating pahalagahan ang mga
tao na karapat-dapat pahalagahan. Huwag nating
hayaan mawala sila sa buhay natin bago natin
ma-realize kung gaano sila kaimportante.

Hindi lamang pisikal na bagay ang magpapasaya
sa atin dahil may mga sitwasyon sa buhay natin
na maaaring mawala ang lahat ng mga bagay na
mayroon tayo, at sa huli, sila na lamang ang nanatili
na mayroon tayo sa buhay natin.

Lagi nating ipagpasalamat sa Panginoon na binigay
Niya sa atin ang ating asawa, ang ating anak, ang
ating mga kaibigan, ang ating mga katiwala, o kahit
sinupamang mga tao na laging tumutulong at
sumusuporta sa atin. So never forget to be at

SERVICE TO OTHERS

Huwag din nating ipagkait ang mga pagkakataon na
makasama natin sila at maibigay ang saya na maaari
nating maibalik sa kanila.

Sa kahit na anong paraan, kahit ito ay tulong o trip
lang hahaha basta mahalaga ay genuine ang ating
pagpapahalaga sa mga taong ito.

Hindi natin kailangan ipagdamot ang ating oras o mga
resources sa kanila. Spend quality time with these
great people. Sila ang bahagi ng buhay natin.

Bawat isa sa kanila ay bumuo sa kung sino talaga
tayo at makita ang totoong purpose natin sa mundo.
Maliit man o malaki ang kanilang kontribusyon sa
buhay natin, sila pa rin ang mga taong hindi tayo
tatalikuran at iiwan kahit anong mangyari.

Kaya huwag nating ubusin ang ating panahon
kabibili ng mga bagay na pansamantala ang
saya na mabibigay sa atin, kundi

“Spend time with people we love and always thank God
for He has given us great gifts that will never make us sad.”
– Chinkee Tan, Filipino Motivational Speaker

THINK. REFLECT. APPLY.

• Sinu-sino ang mga taong biyaya ng Panginoon sa iyo?
• Lagi mo bang ipinapagpasalamat ang mga ito sa Panginoon?
• Paano ka nagiging biyaya para sa ibang mga tao?

 

Follow my Social Media accounts for more inspirational content, new products, and promos.

Facebook page: https://www.facebook.com/chinkeetan/
Youtube channel: https://www.youtube.com/chinkpositive
Instagram: https://www.instagram.com/chinkeetan/