BE A RAINBOW

Lahat naman tayo nakaranas na ng unos sa buhay. Yung tipong buong paligid ay sobrang dilim at gusto na lang natin malunod sa mga luhang parang ulan kung bumuhos mula sa ating mga mata. Sa mga ganitong pagkakataon, maiisip natin na hindi talaga pwede palaging masaya ang buhay. Pero sana, kahit gaano pa naging kadilim ang langit sa ating mga paningin ay nagpasalamat tayo sa bahaghari na dumating para lumiwanag ulit ang buhay natin.

WE ALL HAVE OUR DARK DAYS

Lahat ng taong nakasasalamuha natin, siguradong may pinagdadaanan sa buhay. Aminin man nila o hindi.

Kahit sina Superman at Wonderwoman, may mga problema rin. Hindi natin kayang iligtas ang bawat isa sa bawat pain na dumarating sa buhay, pero pwede tayong gumawa ng mga bagay na makatutulong para mabawasan ang lungkot nila.

BE A RAINBOW AMIDST SOMEONE’S DARK CLOUDS

“Try to be a rainbow in someone else’s cloud.” – Maya Angelou

Lahat tayo pwede maging rainbow for someone experiencing great storms. Practice empathy. Maging understanding at open-minded tayo sa pinagdadaanan ng isa’t isa.

Sa ganitong paraan, magkakaroon tayo ng magandang connection sa isang taong may malaking problema. Kahit isang ngiti lang o tawag sa taong may pinagdadaanan, pwede na.

KAYA MO ‘YAN! KAKAYANIN MO ‘YAN!

Sino bang hindi machecheer-up sa mga salitang ito? Even these simple, short words could mean a lot to someone.

Ang mga simpleng encouraging words na ito ay hindi lamang nakakaapekto sa recipient nito, kundi maging sa taong nagsabi nito.

Minsan kailangan lang talaga nating maging good listener sa isang taong may problema. Hindi man natin sila matulungan by action sa pag-resolve ng problema, malaking tulong pa rin ang pagpapagaan natin sa bigat ng loob nila.

Kahit simpleng “kaya mo ‘yan!” mula sa atin ay malaking encouragement na para sa kanila.

Being a source of encouragement gives us a better purpose in life. Sa ganitong paraan din tayo maaaring makakuha ng more energy para maging mas positive sa pag-handle ng mga pagsubok sa buhay at business natin.

“Minsan, presence lang natin ang kailangan para makatulong sa problema ng mga mahal natin. Just be there and let them feel they are not alone in their battle.”
-Chinkee Tan. Filipino Motivational Speaker

THINK. REFLECT. APPLY.

• Mayroon ka bang mahal sa buhay na dumaan sa malaking problema lately?
• Ano ang ginawa mo para matulungan siya?
• Paano nakakaapekto ang simpleng pagtulong mo sa pagharap niya sa kanyang problema?

Follow my Social Media accounts for more inspirational content,new products, and promos.

Facebook page: https://www.facebook.com/chinkeetan/
YouTube channel: https://www.youtube.com/chinkpositive
Instagram: https://www.instagram.com/chinkeetan/