NAPAKASAKIT

At the end of the day, when they look back, tsaka palang nila marerealize that it’s not worth it. Pag huli na ang lahat, tsaka nalang nila maiisip na sana pala naging masaya nalang sila at hindi na naging bitter.

Ano nga ba ang nagagawa ng bitterness sa isang tao?

BONDAGE OF LIES
Nakakulong sila sa kasinungalingan. In denial sila sa lahat ng bagay. Madalas ang mga taong bitter gumagawa ng istorya para mapagtakpan ang tunay na kondisyon ng mga puso nila. Nagsasabi rin sila ng kasinungalingan against other people para maiangat ang sarili nila. Hindi nila namamalayan, baon na baon na sila sa tambak na kasinungalingan na meron sila. Daig pa nila ang mga nakakulong. Walang kalayaan dahil bilanggo sila ng mga galit nila at sarili nilang kasinungalingan.

ISOLATION
Bukod sa mahirap silang i-please, mahirap din silang pakisamahan. Ang mga relationships na meron sila ay ‘disposable’. Mas mahalaga sa kanila ang inaalagaang galit at sama ng loob kaysa sa mga relasyon na meron sila, kaya ang ending? Walang tumatagal na kaibigan, walang kasundong kasamahan sa trabaho at minsan kahit kapamilya nya ay iniiwanan sya. Ang bitterness nya ang nagtataboy sa mga taong nagmamahal sa kanya at maging sa mga tao sa paligid nya. Kaya tuloy, ang buhay nya, malungkot, at miserable.

EMPTINESS
Masyado silang consume ng mga sarili nila. Selfish kung tawagin. Bakit? Wala kasi silang ibang inisip at pinahalagahan kundi ang mga sarili nila. Usually ma-pride sila. Ayaw magpakumbaba at lalong ayaw magbigay. Walang ibang laman ang puso at isip nila kundi ‘ako, ako, ako’. Walang space para sa nararamdaman ng ibang tao. Kaya ang result? Sila din itong maraming kawalan sa huli.

Nakakalungkot kung meron kang mahal sa buhay na bitter, pero mas nakakalungkot kung mismo ang bitter. Hindi mo napapansin na unti-unting kang pinapatay ng inaalagaan mong bitterness. Sana bago mahuli ang lahat, piliin mong makalaya sa bitterness na meron ka. Bakit? Dahil ang bitterness ay lason. Sa sobrang galit at hinanakit mo, umiinom ka ng lason at inaasahan mong ang taong nakasakit sayo ang mamatay pero hindi.. Ikaw ang mamamatay. Piliin mong magpatawad. Tao tayo, lahat tayo nagkakamali. Ang Dios nga nakapag-patawad. Sino tayo para di makapagpatawad?

THINK. REFLECT. APPLY

Kamusta na ang puso mo?
May mga taong bang naka-offend sa iyo?
Anung naging cause ng bitterness mo?
Anung humahadlang sayo para hindi ka makapag-patawad?
Handa ka na bang lumayo at mag-move on?