YOUR PATH

Marami na ang nagtatanong sa akin kung paano
ba maging successful? Paano ba maging mayaman?
Napaisip lang din ako kung ano ba ang purpose mo?

May mga kilala tayo na alam nating paiba-iba rin ng
career. Yung iba sa college, paiba-iba ng kurso na kinukuha.
Pero sa ganito, maraming panahon at oras ang nasasayang.

Yung entire career ko hindi ko naman din ito nalaman
agad. Maraming mga bagay din ang napagdaanan ko at
sinubukan ko. That’s what I am going to share with you.

Walang short cut dito pero at least hindi rin masayang ang
panahon at oras ninyo sa kasusubok ng kung anu-ano.

You have to ask these questions:

MAY PERA BA D’YAN?

Grabe naman Chinkee. Pera talaga agad? 

Oh so mukha ba akong pera? Haha!
Pero may tanong din ako…
Kailangan mo ba ng pera para mag-survive?
‘Di ba ang sagot mo, “Oo”?

So kung ang kinikita mo ay hindi man lang makakaabot
ng isang buwan, baka kailangan mo nang mag-isip ng
ibang career na kayang buhayin ang iyong pamilya.

Hindi lang ‘yan sa taas ng antas na tinapos mo o yung
mga awards mo sa school. Pero hindi ko naman din
sinasabi na hindi mahalaga ang mga ito.

Syempre mahalaga rin ang mga ito. Pero mas mahalaga
rin na may trabaho o career tayo na makatutugon sa
mga pangangailangan ng ating pamilya sa araw-araw.

Kapag nahanap mo na ang career na alam mong mapag-
kakakitaan mo, make sure na pag-aralan mo ito nang
husto para mas maging magaling ka sa larangan na ito.

At susunod na tanong na ay:

MAHAL MO BA ANG GINAGAWA MO?

Baka nagtaka kayo bakit nauna pa yung tanong kung may
pera ba kaysa dito sa tanong kung mahal mo ba ang career
na ito. Ganito na lang..

Sabihin natin na mahal na mahal mo ang paglalaro ng
computer games. Sa sobrang hilig mo dito, kahit ‘di ka na
matulog at kumain nang buong araw, okay lang.

Okay… pero may kinita ka ba sa paglalaro? Sabihin natin
mayroon. Sapat na ba ito? Kaya ka ba nitong buhayin?
Career ba ang matatawag dito? O baka hobby lang?

Nage-gets n’yo? Pumunta kayo sa grocery at alamin ang
mga presyo ng pangunahing bilihin o kaya tanungin
n’yo ang magulang n’yo kung magkano ang kuryente,
tubig at yung pambayad sa internet kada buwan.

Isipin ninyo yung career na kayang ma-sustain ang needs
ninyo at the same time, mahal na mahal n’yong gawin. Dito
kayo mag-focus. Palawakin ninyo ang kaalaman n’yo dito.

At ang huli ay

MAY NATULUNGAN KA BANG IBANG TAO?

Kapag nakita mo na ang career na gusto mo, dapat alamin
mo na rin ang iyong purpose. Ano ang legacy na maiiwan
mo sa buhay ng ibang mga tao na nakapaligid sa ‘yo?

Gusto mo ba na isipin nila na ikaw yung pinakamayamang
nakilala nila o gusto mong ikaw ang taong tumulong para
mabago nang maganda ang kanilang buhay?

Well hindi naman kailangan antayin na maging milyonaryo
ka bago ka makatutulong sa iba. Ang mahalaga ay ang
career na iyong pinili ay may matutulungan din na iba.

Nakabibigay ba ng inspirasyon sa iba? Sa huli, hindi ka lamang
masaya dahil nabibili mo ang mga kailangan mo kundi may ibang mga tao
na natutulungan mo rin.

Hindi lamang ikaw ang successful sa career na ito, kasama
mo ang iyong pamilya at mga taong ginabayan mo para
maging successful din sila sa kanilang buhay.

“Find a career that does not just buy the things that you want
but can also motivate others especially when they feel they can’t.”
–  Chinkee Tan, Filipino Motivational Speaker

THINK. REFLECT. APPLY. 

• Anu-ano ang mga skills and talents mo na maaari mong pagkakitaan?
• Paano mo palalawakin ang iyong kaalaman tungkol dito?
• Sinu-sino ang mga taong gusto mong matulungan?

For more inspirational content, new products, and promos, follow my Social Media accounts: 

• Facebook page: https://www.facebook.com/chinkeetan/
• Youtube channel: https://www.youtube.com/chinkpositive
• Instagram: https://www.instagram.com/chinkeetan/