WHAT IF’S

Madalas talaga nasa huli ang pagsisisi ‘di ba? Akala natin alam na natin ang tama yun pala may mas mabuti pang gawin kaysa sa ating ginawa.

Minsan, hindi ibig sabihin na wala tayong ginawa ay wala na tayong pagkukulang. Kaya nga may sin of commission and sin of omission.

May mga pagkakamali tayo na nagawa natin at may mga pagkakamali rin tayo dahil wala tayong ginawa.

WHAT IF I DID FIGHT FOR IT?

Yung panahon na pinanghinaan tayo ng loob at ngayon maiisip natin na sana lumaban pa tayo.

“Sana pinaglaban ko ang pagmamahal ko sa kanya.”
“Sana pinaglaban ko ang gusto kong gawin.”
“Sana pinaglaban ko kung sino talaga ako.”

Ito yung pagkakataon na babalik tanaw tayo sa nakaraan at masasabi nating “sayang.”

Kaya kung hindi mo nararanasan ito, huwag n’yo nang hayaan na mangyari ito sa future ninyo.

WHAT IF I BECOME MORE HONEST?

Sabi nga honesty is the best policy. Kapag nawala na kasi ito, nawala na rin ang ating integrity at tiwala ng ibang tao sa atin.

Kahit ano pang sabihin natin, kahit ano pang gawin natin, ang maaalala ng iba ay ang hindi natin pagiging tapat sa kanila. Mahirap pa rito, nakasisira din ito sa mga relasyon.

At kapag nasira na ang relasyon, napakahirap na nitong ayusin at buoin muli. Mahirap kasi na kahit may mga nasaktan na, ayaw pa rin pag-isipan ang mga gagawing hakbang.

WHAT IF I PLAN AHEAD?

“Sana pala nag-invest ako nang maaga.”
“Sana tinapos ko yung kurso na yun.”
“Sana pinag-ipunan namin yun.”

Naku talagang napakasakit sa puso kapag na-realize natin na huli na ang lahat. Kaya naman, it’s time to share your own story sa iba para hindi nila maranasan ang pinagdaanan natin.

Ito rin yung dahilan kaya ko naisip isulat ang blog na ito. Mahirap maka-move on pero kailangan nating simulang mag-focus sa kung ano ang present.

Kaya para sa mga taong napakaraming regrets, please, forgive yourself. Huwag n’yo nang pahirapan pa lalo ang sarili n’yo. Kahit hindi tayo proud sa part na ‘yan ng ating buhay, huwag pa rin nating hayaang masayang ang kasalukuyan.

“Bahagi ng buhay ang nakaraan, kasalukuyan at hinaharap.
Huwag nating sayangin ang panahon sa puro paghahanap.”
– Chinkee Tan, Filipino Motivational Speaker

THINK. REFLECT. APPLY.

Anu-ano ang mga natutunan mong aral sa iyong karanasan?
Paano mo pinaninindigan ang iyong mga salita?
Sinu-sino ang mga taong nagbigay aral sa ‘yo sa buhay?

Follow my Social Media accounts for more inspirational content, new products, and promos.

Facebook page: https://www.facebook.com/chinkeetan/
YouTube channel: https://www.youtube.com/chinkpositive
Instagram: https://www.instagram.com/chinkeetan/